Hörmətli tərəfdaşlar,
24 aprel 2026-cı il tarixindən etibarən Ubiquiti qlobal yaddaş və saxlama bazarındakı dalğalanmalar səbəbilə Memory Surcharge (yaddaş üzrə əlavə ödəniş) tətbiq etməyə başlayıb.
Son dövrlərdə baş verən bazar dəyişiklikləri əsas hardware komponentlərinin maya dəyərinin artmasına səbəb olub. Şirkət məhsul mövcudluğunu sabit saxlamaq və tərəfdaşlarını dəstəkləmək məqsədilə bu artımın bir hissəsini özü qarşılasa da, müəyyən əlavə ödəniş tətbiq etmək qərarı verib.
Bu əlavə ödəniş tərəfdaş qiymətlərinə tətbiq olunur və eyni zamanda Ubiquiti-nin rəsmi onlayn mağazasında da əks olunur. Məqsəd qiymət balansını qorumaqla yanaşı, bazarda davamlılıq və məhsul əlçatanlığını təmin etməkdir.
Ubiquiti bildirir ki, bu addım tərəfdaşlar və müştərilər üçün təsirləri minimuma endirmək və məhsul tədarükünün sabitliyini qorumaq üçün atılıb.
Anlayışınız və davamlı etibarınız üçün təşəkkür edirik.
